Mahalladagi xotin-qizlar faoli faoliyati o‘rganildi

📍Xalq deputatlari O'rta Chirchiq tuman Kengashi kotibiyati mudiri B.Baxovadinov tomonidan “O'rtasaroy” MFY xotin-qizlar faoli tomonidan amalga oshirilayotgan ishlar joyiga chiqib o‘rganildi.

O‘rganish davomida O‘zbekiston Respublikasi Vazirlar Mahkamasining 2022-yil 31-martdagi 145-son qarori bilan tasdiqlangan Mahalladagi xotin-qizlar faoli to‘g‘risidagi namunaviy nizom ijrosi yuzasidan amalga oshirilayotgan ishlar tahlil qilindi.

Xotin-qizlar faolining mahalladagi xotin-qizlarning muammolarini manzilli o‘rganish, ularning bandligini ta’minlash, tadbirkorlikka jalb etish, ijtimoiy himoyaga muhtoj oilalarni qo‘llab-quvvatlash, tazyiq va zo‘ravonlikning oldini olish, huquqiy va ma’naviy ko‘mak ko‘rsatish hamda davlat organlari bilan hamkorlikni samarali tashkil etish borasidagi faoliyati atroflicha ko‘rib chiqildi.

✅Xalq deputatlari O'rta Chirchiq tuman Kengashi kotibiyati axborot xizmati!