O‘rganish jarayonida aholiga ko‘rsatilayotgan birlamchi tibbiy-sanitariya yordamining sifati, tibbiy xizmatlarni tashkil etish holati, fuqarolar murojaatlari bilan ishlash, profilaktik tadbirlarni amalga oshirish hamda tibbiyot muassasasida aholi uchun yaratilgan shart-sharoitlar ko‘rib chiqildi.

Shuningdek, fuqarolarning tibbiy xizmatlardan foydalanish imkoniyatlari, ularga o‘z vaqtida va sifatli tibbiy yordam ko‘rsatilishini ta’minlash masalalariga alohida e’tibor qaratildi.

O‘rganish davomida aniqlangan masalalar yuzasidan mas’ullarga tegishli tavsiya va ko‘rsatmalar berilib, mavjud kamchiliklarni bartaraf etish hamda aholiga tibbiy xizmat ko‘rsatish sifatini yanada yaxshilash bo‘yicha zarur choralarni ko‘rish belgilandi.

Aholi salomatligini muhofaza qilish, tibbiy xizmatlar sifatini oshirish va qonun hujjatlari ijrosini ta’minlash masalalari deputatlik nazoratining doimiy e’tiborida.