Aholini kambag‘allikdan chiqarish faqat moddiy ko‘mak ko‘rsatish bilan cheklanmay, oilalarning barqaror daromad manbasini shakllantirish, bandligini ta’minlash va mavjud imkoniyatlardan samarali foydalanishni talab etadi. Shu nuqtayi nazardan Xalq deputatlari Yangiobod tuman Kengashi deputati G. Raimova tomonidan Do‘stlik mahallasida hokim yordamchisi tomonidan amalga oshirilayotgan ishlarning natijadorligiga e’tibor qaratildi.

Jarayon davomida kambag‘al oilalar bilan individual ishlash, ularning muammolarini aniqlash, mehnatga layoqatli fuqarolarni bandlikka yo‘naltirish, tadbirkorlik va o‘zini o‘zi band qilish imkoniyatlaridan foydalanish bo‘yicha amalga oshirilayotgan ishlar ko‘rib chiqildi.

Shuningdek, oilalarni kambag‘allikdan chiqarishda kasb-hunarga o‘qitish, kredit va subsidiyalardan foydalanish, tomorqa imkoniyatlarini ishga solish hamda yangi daromad manbalarini yaratish borasidagi ishlarning amaliy natijalariga e’tibor qaratildi.

Hokim yordamchisi bilan muloqot davomida har bir oilaning mavjud imkoniyatlari va ehtiyojidan kelib chiqib, individual yondashuv asosida ish olib borish, berilgan ko‘makning natijadorligini kuzatib borish hamda oilalarning barqaror daromadga chiqishini ta’minlash yuzasidan fikr almashildi.

Yakunda aniqlangan masalalarni bartaraf etish, kambag‘al oilalar bilan manzilli ishlashni kuchaytirish va ularni daromadli faoliyatga jalb etish bo‘yicha tegishli tavsiyalar berilib, mas’ullarga aniq vazifalar belgilandi.