O‘zbekiston Respublikasi Prezidentining 2026-yil 5-fevraldagi PQ-49-son qarori ijrosi yuzasidan “og‘ir toifadagi” mahallalardan biri bo‘lgan Ravot mfyda tuman Kengashi Kotibiyati mudiri A. Raxmonov, deputatlar Z.Naxanboyev va I.Azimov tomonidan tuman Kengashi huzuridagi Yoshlar maslahat guruhi azolari hamda mahalla yettiligi bilan birgalikda amalga oshirilayotgan bunyodkorlik ishlari o‘rganildi.

Qarorga muvofiq, mahallada elektr taminoti barqarorligini yaxshilash hamda mavjud elektr tarmoqlarining texnik holatini yaxshilash maqsadida 65 dona yangi beton ustun o‘rnatish va 2,8 km uzunlikdagi elektr tarmog‘ini tortish ishlari belgilangan. O‘rganish davomida mazkur ishlarning amaldagi holati, bajarilish sifati hamda belgilangan ishlarning loyiha talablariga muvofiqligi ko‘zdan kechirildi. Aniqlangan masalalar yuzasidan mas’ullarga tegishli tavsiyalar berilib, ishlarni sifatli va belgilangan muddatlarda yakunlash bo‘yicha kelishib olindi.