Deputat_va_yoshlar_uchrashuvi
Yoshlar bilan ochiq muloqot o‘tkazildi.

Xalq deputatlari Angor tumani Kengashining 18-“Yangi turmush” saylov okrugi deputati Sevara Yuldosheva hamda “Yangi turmush” mahallasi yettiligi a’zosi, yoshlar yetakchisi Jumaqulov Mirjalol ishtirokida 23-sonli umumiy o‘rta ta’lim maktabida yoshlar bilan uchrashuv o‘tkazildi.

Uchrashuv davomida yoshlarning bo‘sh vaqtini mazmunli tashkil etish, ularni sport va foydali mashg‘ulotlarga keng jalb qilish, shuningdek, yoshlar o‘rtasida huquqbuzarlik va jinoyatchilikning oldini olish masalalariga alohida e’tibor qaratildi.

Muloqot jarayonida yoshlarning taklif va fikrlari tinglanib, ularni qo‘llab-quvvatlash, bo‘sh vaqtini samarali tashkil etish hamda kelajakdagi maqsadlariga erishishlari uchun zarur shart-sharoitlarni yaratish yuzasidan fikr almashildi.

Uchrashuv yakunida yoshlarni faol, tashabbuskor va Vatanga sadoqatli insonlar etib tarbiyalash, ularning huquq va manfaatlarini himoya qilish borasidagi ishlarni izchil davom ettirish zarurligi ta’kidlandi.