#_deputat_faoliyati
#_24_ta_masala

Bandixon tumanida deputatlik nazorati: "Birdamlik" mahallasida yangi tashkil etilgan kutubxona faoliyati o‘rganildi

Bandixon tumanida yosh avlodning intellektual salohiyatini oshirish, aholi o‘rtasida kitobxonlik madaniyatini keng targ‘ib etish va mahallalarda ma’rifat maskanlarini rivojlantirish borasida izchil ishlar amalga oshirilmoqda.

Xalq deputatlari Bandixon tumani Kengashi deputati B.T.Rajabov hamda tuman Kengashi kotibiyati bosh mutaxassisi E.Eshonqulov "Birdamlik" mahalla fuqarolar yig‘inida bo‘lib, yangidan faoliyat boshlagan kutubxona sharoitlari bilan yaqindan tanishdilar.

O‘rganish davomida yangi maskanning kitob fondi tarkibi, o‘quvchilar uchun yaratilgan sharoitlar hamda mahalladagi uyushmagan yoshlarning bo‘sh vaqtini mazmunli tashkil etish choralari ko‘rib chiqildi.

Shuningdek, kutubxona fondini zamonaviy nashrlar bilan boyitish, elektron katalog tizimini shakllantirish hamda yoshlar o‘rtasida muntazam ravishda "Yosh kitobxon" ko‘rik-tanlovlarini tashkil etish yuzasidan mas’ullarga tegishli tavsiya va ko‘rsatmalar berildi.

Kitob o‘qigan inson dunyoni teranroq anglaydi. Mahallamizdagi ushbu kutubxona barcha uchun bilim o‘chog‘i bo‘lib xizmat qiladi.