📚 O‘quvchilar bilan uchrashuv o‘tkazildi

Xalq deputatlari tuman Kengashi deputati G. Islomova tomonidan Ahillik mahallasidagi 10-sonli umumta’lim maktabi o‘quvchilari bilan uchrashuv tashkil etildi.

Uchrashuvda tuman hokimining diniy masalalar bo‘yicha maslahatchisi hamda mahalla vakillari ishtirok etdi. Muloqot davomida yoshlarning bo‘sh vaqtini mazmunli tashkil etish, turli salbiy ta’sirlardan asrash hamda internet va ijtimoiy tarmoqlardan oqilona foydalanish masalalariga alohida e’tibor qaratildi.

Shuningdek, o‘quvchilarga ijtimoiy tarmoqlardan foydalanishda axborotlarni tanqidiy tahlil qilish, ishonchsiz va zararli ma’lumotlarga berilmaslik, internet madaniyatiga rioya qilish yuzasidan tushuntirishlar berildi.

Uchrashuv yakunida o‘quvchilarni ta’lim olishga, kitob mutolaasiga, foydali mashg‘ulotlar bilan shug‘ullanishga va o‘z vaqtlarini mazmunli o‘tkazishga chaqirildi.