Tinchlik MFYda ijtimoiy xodim faoliyati o‘rganildi

📍Xalq deputatlari O‘rta Chirchiq tuman Kengashi kotibiyati bosh mutaxassisi Sh.Eshov tomonidan Tinchlik mahalla fuqarolar yig‘inida faoliyat yuritayotgan ijtimoiy xodimning faoliyati o‘rganildi.

🖊O‘rganish davomida ijtimoiy xodimning mahalladagi ijtimoiy himoyaga muhtoj fuqarolar va oilalar bilan ishlash faoliyatiga e’tibor qaratildi.

🖊Ijtimoiy xodim tomonidan xonadonbay o‘rganishlar olib borilishi, aholining ijtimoiy muammolarini aniqlash, yordamga muhtoj fuqarolarni belgilash hamda ularning ehtiyojlaridan kelib chiqib tegishli ijtimoiy xizmat va ko‘maklarni tashkil etish ishlari ko‘rib chiqildi.

🖊Yolg‘iz keksalar, nogironligi bo‘lgan shaxslar, parvarishga muhtoj fuqarolar, kam ta’minlangan va ijtimoiy himoyaga muhtoj oilalarning holatini o‘rganish, ularning muammolarini tegishli tashkilotlarga yo‘naltirish va hal etilishiga ko‘maklashish borasidagi ishlar tahlil qilindi.

📌Ijtimoiy xodimning asosiy vazifalaridan biri bo‘lgan fuqarolarga mavjud ijtimoiy xizmatlar va imtiyozlar to‘g‘risida tushuntirish berish, zarur hollarda hujjatlarni rasmiylashtirishda amaliy yordam ko‘rsatish hamda muammoli oilalarni tegishli mutaxassis va tashkilotlar bilan bog‘lash masalalariga ham e’tibor qaratildi.

✅Xalq deputatlari O‘rta Chirchiq tuman Kengashi kotibiyati axborot xizmati!