🔹Joriy yilning 22-sentabr kuni Oliy Majlis Senati tomonidan “Barqaror ish o‘rinlarini yaratish, bandlikni ta’minlash, aholi daromadlarini oshirish, kambag‘allikni qisqartirish yo‘nalishida ta’sirchan deputatlik nazoratini amalga oshirish, shuningdek, aholi murojaatlari bilan ishlashni samarali tashkil etish” mavzusida seminar o‘tkazildi.

🔹Mazkur seminarda berilgan ko‘rsatma va tavsiyalarning joylarda ijrosini samarali va tashkiliy-huquqiy asosda ta’minlash maqsadida xalq deputatlari Farg‘ona viloyati Kengashi deputatlari Z.G‘ofurova va Sh.Ermatov hamda Xalq deputatlari Marg‘ilon shahar Kengashi raisi O.Axmatshayev ishtirokida kelgusidagi ustuvor vazifalar muhokama qilindi.

🔹Uchrashuv davomida Kotibiyat tomonidan har bir deputat uchun ishlab chiqilgan “Xalq deputatlari Kengashi deputatining mahallada ishsizlik va kambag‘allikni qisqartirish, ijtimoiy xizmatlar ko‘rsatish va ijtimoiy infratuzilma loyihalarini amalga oshirish bo‘yicha faoliyat rejasi” bilan tanishib chiqish masalasiga ham e’tibor qaratildi.

🔹Muloqot davomida hududlarda barqaror ish o‘rinlarini yaratish, aholi bandligini ta’minlash, daromad manbalarini kengaytirish va kambag‘allikni qisqartirish borasidagi ishlarni deputatlik nazorati asosida tizimli tashkil etish masalalariga alohida e’tibor qaratildi.

🔹Shuningdek, fuqarolar murojaatlarini o‘rganish, aniqlangan muammolarni manzilli hal etish hamda ularning ijrosini nazorat qilishda deputatlarning vakolatlaridan samarali foydalanish yuzasidan fikr almashildi.

🔹Uchrashuv yakunida belgilangan vazifalarni hududlarda izchil amalga oshirish, deputatlik nazoratini kuchaytirish va aholi bilan ishlash samaradorligini oshirish bo‘yicha kelgusidagi amaliy chora-tadbirlar yuzasidan o‘zaro maslahatlashib olindi.