20-, 22-fevral kunlari O'zbekiston Respublikasi Oliy Majlisi Senatining 4-yalpi majlisi bo'lib o'tdi.

Videokonferensaloqa orqali o'tkazilgan yalpi majlisni Oliy Majlis Senati raisi Tanzila Narbayeva olib bordi.

Yalpi majlisda Surxondaryo viloyati studiyasidan hududdan saylangan Senatorlar, yoshlar parlamenti a'zolari, xalq deputatlari viloyat Kengashidagi doimiy komissiya raislari, xalq deputatlari viloyat, tuman va shahar Kengashlari kotibiyat mudirlari, tegishli tashkilot, korxona, muassasa rahbarlari hamda OAV vakillari ishtirok etishdi.

Senat 4-yalpi majlisida yurtimizning iqtisodiy, ijtimoiy-siyosiy hayotiga oid O'zbekiston Respublikasi Qonunlari senatorlar tomonidan muhokama qilindi.

Uch kun davom etgan yalpi majlis ishida jami 17 ta Qonun loyihalari va 2 ta boshqa masalalar ko'rib chiqildi. Kun tartibidagi masalalar bo'yicha Oliy Majlis Senatining qarorlari qabul qilindi.