Olmaliq shahrida deputatlik faoliyatini yanada rivojlantirish, Kengash qarorlari va yuklatilgan topshiriqlar ijrosini tizimli tashkil etish masalalariga bag‘ishlangan navbatdagi amaliy seminar o‘tkazildi.

Xalq deputatlari Olmaliq shahar Kengashi raisi Doniyor Karimov boshchiligida o‘tgan ushbu seminarda shahar Kengashining barcha deputatlari, siyosiy partiya shahar bo‘limlari raislari hamda Kotibiyat mas’ul xodimlari ishtirok etishdi.
Muloqot davomida shahar Kengashi va deputatlarning hududiy muammolarni hal etishdagi mas’uliyatini oshirishga qaratilgan bir qator muhim masalalar va ustuvor vazifalar atroflicha muhokama qilindi:

♻️Sessiya kun tartibiga kiritilishi rejalashtirilgan har bir masala, avvalo, deputatlar tomonidan o‘z okruglarida saylovchilar va jamoatchilik bilan doimiy muhokama qilinishi shart. Anqlangan aniq yutuq va kamchiliklar chuqur tahlil qilinib, tegishli doimiy komissiyalar muhokamasiga olib chiqilishi belgilandi.
♻️Hududlardagi tizimli masalalarni chuqur o‘rganish maqsadida Oliy Majlis Senati tavsiyalari asosida 24 ta ustuvor yo‘nalish bo‘yicha deputatlik o‘rganishlarini bosqichma-bosqich va sifatli tashkil etish chorasi ko‘riladi.
♻️Joylarda qonunlar va hududiy dasturlar ijrosini aniq savolnomalar va mezonlar asosida kompleks o‘rganish, aniqlangan kamchiliklarni bartaraf etish bo‘yicha manzilli takliflar ishlab chiqish vazifasi qo‘yildi.
♻️Kengash Kotibiyatiga har bir sohaga biriktirilgan deputatlarga doimiy va sifatli uslubiy ko'mak ko‘rsatish topshirildi.

Shuningdek, Oliy Majlis Senati devonining Hududiy vakillik organlari faoliyatini o‘rganish markazi tomonidan 2026-yil avgust oyida o‘tkazilgan monitoring tahlillari xulosalaridan kelib chiqib, sessiya qarorlari loyihalarining huquqiy va mazmunan mukammalligiga alohida e’tibor qaratish zarurligi ta’kidlandi.

Seminar yakunida ishtirokchilarga ko‘tarilgan har bir yo‘nalish bo‘yicha aniq chora-tadbirlar rejasini belgilash va aholi farovonligiga xizmat qiladigan amaliy natijalarni ta’minlash yuzasidan tegishli topshiriq va tavsiyalar berildi.