Oltinsoy tumanidagi “Inson” ijtimoiy xizmatlar markazida Xalq deputatlari Oltinsoy tumani Kengashi deputati, Kengash Kotibiyati mudiri M.Xujanov, Kotibiyat bosh mutaxassislari A.Esanov va I.Roziqov ishtirokida nazorat-tahlil tadbiri o‘tkazildi.

O‘rganish davomida maxsus savolnoma asosida Kengash deputatlari faoliyatining ustuvor yo‘nalishlari, amaldagi qonunchilik hujjatlarining ijrosi hamda belgilangan vazifalarning bajarilish holati atroflicha tahlil qilindi.

Shuningdek, deputatlik faoliyatining ustuvor yo‘nalishlariga oid 162 ta qonunchilik hujjati va Kengash tomonidan berilgan 24 ta tavsiyaning ijrosi yuzasidan monitoring olib borilib, ularning amalda bajarilishi holati bandma-band o‘rganildi.

Nazorat-tahlil jarayonida aniqlangan holatlar yuzasidan tegishli tavsiyalar va vazifalar belgilab olindi. Mazkur yo‘nalishdagi ishlar qonunchilik hujjatlari va Kengash tavsiyalarining ijrosini ta’minlash, mavjud muammolarni aniqlash hamda ularni bartaraf etish choralarini ko‘rish maqsadida deputatlik nazorati doirasida davom ettiriladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz