STRATEGIK KORXONALAR XUSUSIYLASHTIRILISHIDA DAVLAT MANFAATLARI HIMOYA QILINADI

♻️Strategik ahamiyatga ega korxonalarni xususiylashtirish jarayonida davlatning vaqtinchalik maxsus ishtirok etish huquqini saqlab qolish amaliyoti joriy etilayotgani muhim qadam, deb hisoblayman.
♻️Bu mexanizm, avvalo, milliy xavfsizlik, iqtisodiy barqarorlik va aholi manfaatlarini ishonchli himoya qilishga xizmat qiladi. Xususiylashtirishdan ko‘zlangan asosiy maqsad — davlat aktivlarini samarali boshqarish, investitsiyalarni jalb etish va korxonalar faoliyatini yanada rivojlantirishdir.
♻️Shu bilan birga, strategik tarmoqlarda davlat manfaatlarini kafolatlaydigan maxsus huquqning mavjudligi xususiylashtirish jarayonida mas’uliyat va nazoratni kuchaytiradi.
♻️Deputat sifatida bu yangilikni ochiqlik, qonuniylik va xalq manfaatlari ustuvorligini ta’minlashga qaratilgan muhim mexanizm sifatida baholayman.
♻️Xususiylashtirish — shunchaki mulk egasini o‘zgartirish emas, balki iqtisodiyotni rivojlantirish va jamiyat farovonligiga xizmat qilishi lozim bo‘lgan muhim jarayondir.

Oqila Muzaffarova,
Xalq deputatlari Jondor tumani Kengashi deputati,