Xalq deputatlari Uchquduq tuman Kengashi deputati I.Raximov tomonidan Mustaqillik MFYda aholining ijtimoiy ehtiyojmand qatlamlariga ko‘rsatilayotgan xizmatlarning holati o‘rganildi.

O‘rganish davomida mahallada faoliyat yuritayotgan ijtimoiy xodim tomonidan aholining ijtimoiy himoyaga muhtoj toifalariga ko‘rsatilayotgan xizmatlarning sifati, manzilliligi va samaradorligiga alohida e’tibor qaratildi.

Shuningdek, kam ta’minlangan oilalarga ijtimoiy nafaqalar va moddiy yordam tayinlash hamda to‘lash holati, fuqarolarning murojaatlarini ko‘rib chiqish, ularning mavjud ijtimoiy muammolarini aniqlash va amaliy yordam ko‘rsatish bo‘yicha amalga oshirilayotgan ishlar o‘rganildi.

Jarayon davomida ijtimoiy ehtiyojmand oilalar va fuqarolarni qo‘llab-quvvatlash, ularga tegishli ijtimoiy xizmatlarni o‘z vaqtida va sifatli ko‘rsatish, mavjud muammolarni manzilli hal etish masalalariga alohida e’tibor qaratildi.

O‘rganish yakunlari bo‘yicha aniqlangan masalalar yuzasidan mas’ullarga tegishli tavsiya va ko‘rsatmalar berildi. Aholining ijtimoiy himoyasini yanada kuchaytirish hamda ehtiyojmand oilalarni qo‘llab-quvvatlash borasidagi ishlarni tizimli davom ettirish belgilab olindi.

Deputatlik nazorati doirasidagi bunday o‘rganishlar aholining qonuniy manfaatlarini himoya qilish, ijtimoiy muammolarni joyida aniqlash va ularning amaliy yechimini ta’minlashga xizmat qiladi.