Shirin shahar suv ta’minoti bo‘limida korrupsiyaga qarshi kurashish, uning oldini olish va xodimlarning huquqiy ongini yuksaltirishga qaratilgan tizimli ishlar amalga oshirilmoqda.

Jumladan, xodimlar ishtirokida profilaktik suhbat va o‘quv-treninglar o‘tkazilib, korrupsiyaga nisbatan murosasiz munosabatni shakllantirish, manfaatlar to‘qnashuviga yo‘l qo‘ymaslik, qonuniylik va shaffoflikni ta’minlash masalalariga alohida e’tibor qaratilgan.

Shuningdek, inson omilini kamaytirish maqsadida qator xizmatlar raqamlashtirilib, texnik shart olish, suv hisoblagichlarini o‘rnatish va almashtirish, shartnoma tuzish hamda to‘lovlarni amalga oshirish jarayonlarida elektron xizmatlardan foydalanish imkoniyatlari kengaytirildi.

Korrupsiyaviy holatlarni aniqlash va ularning oldini olish maqsadida ichki nazorat mexanizmlari kuchaytirilib, fuqarolarning murojaatlarini qabul qilish va korrupsiya holatlari haqida xabar berish uchun ishonch telefonlari faoliyati yo‘lga qo‘yilgan.

Joriy yilning o‘tgan davrida bo‘lim xodimlari tomonidan korrupsiyaviy xatti-harakatlar sodir etilmagan. Kelgusida ham korrupsiyaga nisbatan murosasiz muhitni shakllantirish, xizmatlar sifatini oshirish va aholiga ochiq hamda shaffof xizmat ko‘rsatish bo‘yicha ishlar izchil davom ettirilishi ta'kitlab o‘tildi.