Deputat so‘rovi ijrosi: "Quduqsoy" mahallasidagi 31-maktabga olib boruvchi 1,2 km yo‘l to‘liq asfaltlandi

Bandixon tumanida deputatlik nazorati va ijro organlarining hamkorligi natijasida ijtimoiy soha ob’ektlari hamda mahallalarga olib boruvchi yo‘l infratuzilmalari bosqichma-bosqich yaxshilanmoqda.

Xalq deputatlari Bandixon tumani Kengashining 19-Quduqsoy saylov okrugi deputati G.M.Xolmatovaning "Quduqsoy" mahallasida joylashgan 31-umumta’lim maktabiga olib boruvchi 1,2 km yo‘lni asfaltlash bo‘yicha tuman Obodonlashtirish boshqarmasiga yuborgan deputat so‘rovi qisqa muddatlarda ijro etildi.

Tuman Obodonlashtirish boshqarmasi taqdim etgan rasmiy axborotga ko‘ra, mutaxassislar tomonidan joyida o‘rganish o‘tkazilib, 31-maktabga olib boruvchi 1,2 km yo‘l qismi to‘liq asfaltlanib, foydalanishga topshirildi.

Ravon yo‘l maktab o‘quvchilari va mahalla ahli qatnovi uchun qulaylik yaratdi.