TOQChI MAHALLASIDAGI AVTOMOBIL YO‘LI TA’MIRLANMOQDA

🚧 Bugun xalq deputatlari viloyat Kengashi bosh mutaxassisi E.Isoqov, tuman Kengashi kotibiyati xodimlari hamda tuman Kengashi deputatlari ishtirokida «Toqchi» mahallasidan o‘tuvchi, «Duoba» MFY bilan bog‘lovchi 75V077 avtomobil yo‘lining 1,09 kilometr qismida olib borilayotgan ta’mirlash ishlari o‘rganildi.

✅ Ta’kidlash joizki, mazkur ishlar hudud infratuzilmasini yanada rivojlantirish, aholiga munosib turmush sharoitlarini yaratish hamda ichki yo‘llarning holatini yaxshilash maqsadida amalga oshirilmoqda.

📌 Ma’lumot uchun: dastur doirasida:
·         🛣 1,09 km avtomobil yo‘lini asfaltlash;
·         💧 2 km lotok qurish;
·         🚶 1 km piyodalar yo‘lagi barpo etish
ishlari nazarda tutilgan.

🤝 Mazkur infratuzilma loyihasining sifatli va belgilangan talablar asosida amalga oshirilishi tuman Kengashi deputatlari tomonidan nazoratga olindi.