Xalq deputatlari Jondor tumani Kengashi deputati R. Bozorova tashabbusi bilan “Oqtepa” mahallasida “Ijtimoiy-ma’naviy muhit barqarorligini ta’minlashda xotin-qizlarning o‘rni” mavzusida seminar-trening o‘tkazildi.
✔️Tadbirda xotin-qizlarning jamiyatdagi o‘rni va faolligini yanada oshirish, ularning huquqiy va siyosiy bilimlarini yuksaltirish, oila va mahallada sog‘lom ma’naviy muhitni shakllantirish masalalariga alohida e’tibor qaratildi.
✔️Seminar davomida xotin-qizlarni siyosiy jarayonlarda faol ishtirok etishga keng jalb qilish, ularni zamonaviy kasb-hunarlarga o‘qitish, bandligini ta’minlash hamda tadbirkorlik faoliyatini qo‘llab-quvvatlash borasida amalga oshirilayotgan ishlar haqida fikr almashildi.
✔️Shuningdek, imtiyozli kredit mablag‘laridan samarali foydalanib, o‘z tadbirkorligini yo‘lga qo‘ygan, kasb-hunar o‘rganib, daromad manbaiga ega bo‘lgan hamda jamoat ishlarida faol ishtirok etayotgan xotin-qizlarning ibratli tajribalari e’tirof etildi.
✔️Tadbirda ta’kidlanganidek, xotin-qizlarning iqtisodiy mustaqilligi, siyosiy va ijtimoiy faolligi qanchalik yuqori bo‘lsa, oila va mahalladagi barqarorlik, farovonlik va sog‘lom ma’naviy muhit ham shunchalik mustahkam bo‘ladi.
✔️Bunday seminar-treninglar xotin-qizlarning bilim va ko‘nikmalarini oshirish, ularni qo‘llab-quvvatlash va jamiyat hayotidagi faol ishtirokini ta’minlashda muhim ahamiyat kasb etadi.