Shomanay rayonı hákimliginde Qaraqalpaqstan Respublikası Joqarǵı Keńesiniń baslaması menen Xalıq deputatları Shomanay rayonlıq Keńesi deputatları ushın oqıw seminarı shólkemlestirildi.

Seminarǵa siyasiy partiyalardıń Qaraqalpaqstan Respublikalıq Keńesi baslıqları qatnastı.

Seminar dawamında deputatlıq jumıstıń nızamlı tárepleri, saylawshılardıń múrájatları menen islesiwde deputatlardıń atqaratuǵın xızmeti hám juwapkershiligin arttırıw máseleleri dodalandı.

Bayanatshılar tárepinen deputatlardıń saylanǵan okrugı aymaǵındaǵı mashqalalardı sheshiw, mámleketlik baǵdarlamalardıń tiyisli mámleketlik uyımlar tárepinen ámelge asırılıwı hám ústinen qadaǵalaw, máhálle belsendileri menen islesiwdi salmaqlı kúsheytiw baǵdarındaǵı máseleler boyınsha óz-ara pikir almasıldı.

------------------