Xalq deputatlari Chilonzor tuman Kengashining 15 — Naqqoshlik saylov okrugidan deputati Nazirov Madaminjon Ma’rufjon o‘g‘li Naqqoshlik mahallasida istiqomat qiluvchi yolg‘iz keksalar hamda nogironligi bo‘lgan fuqarolarning holidan xabar oldi.

O‘rganish davomida fuqarolarning yashash sharoitlari, kundalik ehtiyojlari, ularga ko‘rsatilayotgan ijtimoiy xizmatlar va mavjud muammolariga alohida e’tibor qaratildi. Shuningdek, ularning murojaat va takliflari tinglanib, ijtimoiy qo‘llab-quvvatlashga oid masalalar o‘rganildi.

Deputat tomonidan aniqlangan muammolarni tegishli tashkilotlar bilan hamkorlikda hal etish, zarur hollarda amaliy ko‘mak ko‘rsatish hamda ijtimoiy himoyaga muhtoj fuqarolarning holidan muntazam xabar olib borish muhimligi ta’kidlandi.

Bunday o‘rganishlardan asosiy maqsad — yolg‘iz keksalar va nogironligi bo‘lgan fuqarolarning ehtiyojlarini yaqindan o‘rganish, ularni qiynayotgan masalalarga o‘z vaqtida e’tibor qaratish hamda zarur yordam choralarini belgilashdan iborat.