#_deputat_faoliyati
Nazorat-tahlil tadbirlari o‘tkazildi

 O‘zbekiston Respublikasi Oliy Majlisi Senati Raisi T.K.Narbayeva rahbarligida videokonferensaloqa tarzida o‘tkazilgan O‘zbekiston Respublikasi Oliy Majlisi Senati Kengashining sayyor majlisida “Surxondaryo viloyatini kompleks ijtimoiy-iqtisodiy rivojlantirish, aholi bandligini ta’minlash va kambag‘allikni qisqartirish dasturlarida belgilangan chora-tadbirlar ijrosini o‘rganish natijalari muhokamasi to‘g‘risida”gi masala yuzasidan ko‘tarilgan muammolarga ijobiy yechim topish, shuningdek, xalq deputatlari Sariosiyo tumani Kengashining 2026-yilga mo‘ljallangan ish rejasining 7-, 34- va 36-bandlari ijrosini ta’minlash maqsadida xalq deputatlari Sariosiyo tumani Kengashining "3-Charag‘on" saylov okrugi deputati M.Zaripova, tuman Kengashi kotibiyati bosh mutaxassisi A.Nasritdinov hamda tegishli hamkor tashkilotlar vakillari ishtirokida hududda nazorat-tahlil tadbirlari o‘tkazildi.

 Nazorat-tahlil tadbirlari davomida hududdagi 7- va 17-sonli maktabgacha ta’lim tashkilotlari faoliyati atroflicha o‘rganildi. Xususan, bolalar qamrovi, tarbiyalanuvchilar uchun sog‘lom va xavfsiz ovqatlanishni tashkil etish, oziq-ovqat mahsulotlarining sifati va saqlanishi, sanitariya-gigiyena talablariga rioya etilishi hamda oshxona faoliyatining amaldagi me’yoriy hujjatlar talablari asosida tashkil etilganligi atroflicha tahlil qilindi.

Shuningdek, ijtimoiy ko‘makka muhtoj oilalar farzandlarini, shuningdek, imtiyozli va maxsus kontingent toifasiga kiruvchi bolalarni belgilangan tartibda yo‘llanmalar asosida maktabgacha ta’lim tashkilotlariga qabul qilish holati o‘rganildi. Mazkur yo‘nalishda yuritilayotgan hujjatlar, qabul jarayonining shaffofligi hamda amaldagi qonunchilik talablariga rioya etilishi atroflicha tahlil qilindi.