Xalq deputatlari Narpay tumani Kengashi deputati N.Tangriyev tomonidan tuman Veterinariya bo‘limida O‘zbekiston Respublikasining “Veterinariya to‘g‘risida”gi O‘RQ-397-sonli Qonuni ijrosi yuzasidan o‘rganish ishlari olib borildi.

O‘rganish davomida bo‘lim tomonidan hayvonlar salomatligini muhofaza qilish, yuqumli kasalliklarning oldini olish, profilaktik emlash tadbirlarini o‘z vaqtida tashkil etish, veterinariya-sanitariya talablariga rioya etilishi hamda aholiga ko‘rsatilayotgan veterinariya xizmatlari sifati atroflicha tahlil qilindi. Shuningdek, sohaga oid qonunchilik hujjatlari ijrosi, mavjud sharoitlar va ish yuritish holati ham ko‘zdan kechirildi.

O‘rganish yakunida qonun talablarining to‘liq va samarali ijrosini ta’minlash, veterinariya xizmatlari sifatini yanada oshirish va profilaktik tadbirlarni izchil davom ettirish bo‘yicha zarur chora-tadbirlarni amalga oshirish lozimligi ta’kidlandi.