Xalq deputatlari Toyloq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyaning navbatdagi yig‘ilishi xalq deputatlari tuman Kengashi kotibiyati binosining deputatlar xonasida bo'lib o'tdi.

Doimiy komissiya yig'ilishida kun tartibidagi quyidagi:

Toyloq tumani hokimi B.Raxmatullayevning 2026-yilda Toyloq tumanini ijtimoiy-iqtisodiy rivojlantirish bo‘yicha ustuvor vazifalarni amalga oshirish chora-tadbirlarining 2026-yil I chorakdagi ijrosi yuzasidan hisoboti to‘g‘risida.
Tuman soliq inspeksiyasi rahbari Z.Sindorovning mahalliy budjet daromadlari bajarilishi holati, qo‘shimcha rezervlarni aniqlash bo‘yicha qilingan ishlar, soliqlar va boshqa majburiy to‘lovlar kesimida budjetga hisoblangan va amalda to‘langanligi, ular bo‘yicha soliq qarzdorligi haqidagi hisoboti to‘g‘risida.
Toyloq tumani mahalliy budjetining 2026-yil I charak ijrosi to‘g‘risida. Xalq deputatlari Toyloq tumani Kengashining 2026-yil 9-fevraldagi
“2026-yilda Toyloq tumani bo‘yicha alkogol mahsulotlarini realizatsiya qilish huquqi hamda umumiy ovqatlanish korxonalari tomonidan alkogol mahsulotlarini realizatsiya qilish uchun yig‘imlarning cheklangan stavkalarini oshirish to‘g‘risida”gi
VII-20-13-7-104-K/26-sonli qaroriga o‘zgartirish kiritish to‘g‘risida.
Toyloq tumani mahalliy budjetining 2026-yil I-chorak daromadlar rejasini orttirib bajarilgan qismi hisobidan amalga oshiriladigan tadbirlar to‘g‘risida.
O‘zbekiston Respublikasi Oliy Majlisi Senatining 2026-yil 12-martdagi “Qoraqalpog‘iston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qo‘shimcha manbalarini aniqlash va ulardan foydalanishni tartibga solishni takomillashtirish to‘g‘risida”gi KQ-325-V-sonli qarori haqida.
Toyloq tumanida ijtimoiy reyestrdagi I guruh nogironligi bo‘lgan va mehnatga layoqatli a’zosi bo‘lmagan oilalar xonadonlarini ta’mirlash orqali energiya samaradorligini oshirish ijtimoiy loyihasini moliyalashtirish ro‘yxatini ma’qullash to‘g‘risidagi masalalar muhokama etildi.

Kun tartibidagi masalalar yuzasidan mas'ul rahbarlarning hisobotlari tinglandi.

Kun tartibida eshitilgan barcha masalalarni xalq deputatlari Toyloq tumani Kengashining navbatdagi sessiyasi kun tartibiga kiritish belgilandi.

Bizni kuzatib boring: 👇
|📲 Telegram | 💻Facebook