"Jasıl mákan" joybarı sheńberinde jámiyetlik qadaǵalaw ótkerildi

Xalıq deputatları Qanlıkól rayonlıq Keńesi deputatı B.Bayniyazov, ÓEP Qanlıkól rayonlıq Keńesiniń baslıǵı B.Tursınbaevlar "Jasıl mákan" ulıwma milliy joybarı sheńberinde jetistirilip atırǵan miyweli hám sayamanlı tereklerdiń jaǵdayı boyınsha ja'miyetlik qadaǵalaw ótkerildi.

Baqlawda rayonlıq mámleketlik toǵay xojalıǵınıń tárepinen toǵay xojalıǵı aymaǵında bıyılǵı jıldıń báhár máwsimi ushın jetistirilip atırǵan 846 753 dana sayamanlı hám miyweli terek nálleri, sonday-aq, hár qıylı sortlardıń tárbiyalanıwı hám ósiw procesi hár tárepleme úyrenildi. Tereklerdi suwǵarıw, azıqlandırıw hám saqlaw jumısları boyınsha juwapkerlerdiń jumısı kózden ótkerildi.

Úyreniw nátiyjesinde anıqlanǵan ayırım kemshilikler boyınsha juwapker shólkem wákillerine túsindiriw jumısları alıp barıldı. Sonday-aq, bunday qadaǵalaw ilajları keleshekte de turaqlı dawam ettiriletuǵını atap ótildi.

Xalıq deputatları Qanlıkól rayonlıq Keńesi