Xalıq deputaları Bozataw rayonlıq Keńesinen «Adolat» SDP aǵzası, 10-sanlı «Kókshiel» saylaw okruginen deputat K.Tileumuratova qıytaq jerlerdi suwǵarıw menen baylanıslı mashqalalar boyınsha deputatlıq soraw jiberildi.

Atap aytqanda aymaqtaǵı “Kókshiel” elatı turǵınları ushın báhárgi máwsimde úy algındaǵı qıytaq jerlerdi suwǵarıw ushın usı kúnge shekem suw kelmey atırǵanlıǵı mashqala bolıp, bul óz gezeginde úy qaptalı qıytaq jerlerine azıqlıq ónimler jetistiriw ushın eginlerdi egiw waqtınan keshigip qaliwına sebep bolmaqta. 

Deputat tárepinen kóterilgen bul másele boyınsha juwapker shólkemge belgilengen tártipte soraw jiberilip, mashqalanıń ámeliy sheshimin tabıw hám belgilengen múddetde tiykarlanǵan juwap beriw talabı qoyıldı.

Bul deputatlıq soraw aymaqtaǵı mashqalanı sheshiwge xızmet etetuǵını hám xalıqtıń turmıs sharayatın jáne de jaqsılawǵa úles qosatuǵını kútilmekte.