«Jańa Qaraózek» máhállesiniń turǵınları menen ushırasıw ótkerildi.

Ushırasıwǵa rayon hákimi, xalıq deputatları rayonlıq Keńesi deputatı A.Baymuratov (ÓzXDP), aymaqtan saylanǵan deputat, Xalıq demokratiyalıq partiyası Keńesi baslıǵı R.Karmısova, keńes sekretariatı baslıǵı Q.Jaqsımuratov, rayonlıq mákeme, shólkem wákilleri hám aymaq turǵınları qatnastı.

 Ushırasıwda deputatlar rayondı social-ekonomikalıq jaqtan rawajlandırıw baǵdarındaǵı islengen jumıslar hám Keńes iskerligi boyınsha puqaralarǵa maǵlıwmat berip, aldaǵı rejeler, keń kólemli qurılıs, abadanlastırıw jumısların tanıstırdı. Bunnan soń, saylawshılardan múrájatlar bildirilip, onda tamarqa jerlerine suw alıp keliwshi japqa truba qoyıw, kadastr hújjetlerin qayta rásmiylestiriw hám ayırım kóshelerdiń tozıwı jetken elektr baǵanaların ózgeriw boyınsha múrájatlar bildirildi. Bul bildirilgen múrájatlardıń orınlanıwı tiyisli taraw basshılarına tapsırıldı hám deputatlar qadaǵalawǵa aldı.