Boyovut tumani tajribasi asosida ishlab chiqilgan “Yo‘l xarita” hamda uning doirasida ijtimoiy sohani rivojlantirishga qaratilgan kichik dasturda belgilangan vazifalar ijrosi yuzasidan tizimli o‘rganishlar olib borilmoqda.

Mazkur “Yo‘l xarita”ning 13-bandida nazarda tutilgan ehtiyojmand xotin-qizlarga davlat tomonidan maxsus jarrohlik amaliyotlarini tashkil etish masalasi yuzasidan tuman Kengashi deputatlari Karomat Karimova hamda Xusnara Berdiyarova tomonidan tuman hokimi o‘rinbosari Mexriniso Eshonxonova bilan uchrashuvi bo‘lib o‘tdi.

Uchrashuv davomida mazkur yo‘nalishda amalga oshirilayotgan ishlar holati muhokama qilinib, hozirgi kunga qadar 51 nafar fuqaro ro‘yxati shakllantirilgani hamda ular uchun maxsus jarrohlik amaliyotlarini bosqichma-bosqich tashkil etish rejalashtirilgani qayd etildi.

Shuningdek, mazkur jarayonni tizimli tashkil etish, ehtiyojmand fuqarolarni to‘liq qamrab olish hamda amaliyotlarni sifatli o‘tkazish masalalariga alohida e’tibor qaratildi.