Deputat faoliyati – xalq ishonchi va amaliy natijalar ifodasi

Xalq deputatlari Navoiy shahar Kengashi deputati Xudayqulova Nargiza Gaybullaevna 14-Ziyokor saylov okrugida 2025 yilda amalga oshirgan ishlari yuzasidan axborot berdi.

Ta’kidlanganidek, deputat tomonidan yil davomida saylovchilar bilan muntazam uchrashuvlar, ochiq muloqotlar tashkil etilib, fuqarolarning murojaat va takliflari atroflicha o‘rganildi. Kelib tushgan murojaatlarning asosiy qismi kommunal soha, yo‘l infratuzilmasi, bandlik, ijtimoiy yordam va obodonlashtirish masalalariga oid bo‘lib, ularni ijobiy hal etish yuzasidan tegishli korxona va tashkilotlar bilan hamkorlikda amaliy choralar ko‘rildi.

Xususan, hududdagi ichki yo‘llarni ta’mirlash, ko‘cha yoritish tarmoqlarini yaxshilash, ko‘p qavatli uylar atrofini obodonlashtirish, ichimlik suvi va sanitariya holatini yaxshilash bo‘yicha manzilli ishlar amalga oshirildi. Aholining ijtimoiy himoyaga muhtoj qatlamlarini qo‘llab-quvvatlash, kam ta’minlangan oilalarga amaliy yordam ko‘rsatish masalalari doimiy e’tiborda bo‘ldi.Shuningdek, yoshlar bandligini ta’minlash, ularni kasb-hunarga yo‘naltirish, xotin-qizlar tadbirkorligini qo‘llab-quvvatlash va ularning tashabbuslarini rag‘batlantirish borasida qator uchrashuv va targ‘ibot tadbirlari o‘tkazildi. Yoshlarning bo‘sh vaqtini mazmunli tashkil etish, ularni sport va madaniy tadbirlarga keng jalb qilish yuzasidan ham tegishli takliflar ilgari surildi.Deputat o‘z faoliyatida saylovchilar manfaatini ustuvor deb bilishini, har bir murojaat e’tibordan chetda qolmasligini alohida qayd etdi. Hududni yanada obod va farovon maskanga aylantirish, aholi turmush sharoitini yaxshilash borasidagi ishlar izchil davom ettiriladi.

Xalq deputatlari Navoiy shahar  Kengashi deputati,

Xudayqulova Nargiza Gaybullayevna