Ajrimga hudud deputati befarq emas!

Xalq deputatlari Quvasoy shahar Kengashi raisi, 25-okrugdan saylangan deputat Sh. Dadaboyev tomonidan sayyor qabul o‘tkazildi.

Qabul jarayonida fuqarolarning murojaatlari tinglanib, har bir holat yuzasidan huquqiy va ma’naviy tushuntirishlar berildi hamda mas’ul tashkilotlar bilan hamkorlikda amaliy chora-tadbirlar belgilab olindi.

Shuningdek, Oilaviy qadriyatlarni mustahkamlash komissiyasi yig‘ilishida ajrim yoqasidagi Sh.Fozilov va N.Fozilova oilasi masalasi ko‘rib chiqilib, oilani saqlab qolish maqsadida tomonlarga o‘ylab ko‘rishlari uchun muayyan muddat berildi.

Deputat tomonidan oilalarni asrash, farzandlar manfaatlarini himoya qilish hamda jamiyatda sog‘lom ma’naviy muhitni ta’minlash masalalari doimiy e’tiborda ekani ta’kidlandi.

📌 Bunday sayyor qabullar aholi bilan ochiq muloqotni mustahkamlash va muammolarni joyida hal etishda muhim ahamiyat kasb etadi.