🔰Ochiqlik va shaffoflik — deputatlar e’tiborida

🇺🇿Xalq deputatlari Jondor tumani Kengashi deputati Sh. Teshayev, tuman Kengashi kotibiyati mudiri I. Xolov hamda kotibiyat bosh mutaxassisi R. Murodov hamkorligida Qaravul mahallasida O‘zbekiston Respublikasining 2014-yil 5-maydagi “Davlat hokimiyati va boshqaruvi organlari faoliyatining ochiqligi to‘g‘risida”gi O‘RQ-369-sonli Qonuni ijrosi o‘rganildi.
⚡️O‘rganish davomida davlat organlari va mansabdor shaxslar faoliyatining ochiqligini ta’minlash, aholini hududda amalga oshirilayotgan ishlar, qabul qilinayotgan qarorlar hamda mavjud muammolar yuzasidan o‘z vaqtida va ishonchli axborot bilan ta’minlash masalalariga e’tibor qaratildi.
⚡️Shuningdek, fuqarolarning axborot olish huquqini ta’minlash, mahalla faoliyatida oshkoralikni kuchaytirish, aholi bilan ochiq muloqotni yo‘lga qo‘yish va jamoatchilik nazoratini samarali tashkil etishning ahamiyati ta’kidlandi.
⚡️Deputat Sh. Teshayev ochiqlik va shaffoflik davlat organlari faoliyatiga nisbatan aholi ishonchini mustahkamlashning muhim omili ekanini qayd etib, qonun talablariga rioya etilishi, axborotlarning o‘z vaqtida va tushunarli shaklda yetkazilishi hamda fuqarolar murojaatlariga mas’uliyat bilan yondashilishi zarurligini ta’kidladi.
⚡️O‘rganish natijalari bo‘yicha aniqlangan masalalar yuzasidan tegishli taklif va tavsiyalar ishlab chiqish, qonun ijrosini ta’minlash hamda belgilangan vazifalarning bajarilishi ustidan deputatlik nazoratini kuchaytirishga alohida e’tibor qaratiladi.
⚡️Ochiqlik — ishonch garovi, deputatlik nazorati esa qonun talablarining amalda ta’minlanishiga xizmat qiladi.

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt