#deputat_faoliyati
#24_ta_tavsiyalar_ijrosi
#haftalik_ish_reja_ijrosi

FUQAROLAR MUAMMOLARI XONADONMA-XONADON O‘RGANILMOQDA

Xalq deputatlari Termiz tuman Kengashi 14-Surxon saylov okrugi deputati J. Taxchiyeva tomonidan o‘zi saylangan hududda xonadonma-xonadon yurib, fuqarolarning yashash sharoitlari va mavjud muammolari o‘rganilmoqda.

Tashriflar davomida aholi bilan bevosita muloqot qilinib, fuqarolarni qiynayotgan masalalar, taklif va murojaatlar tinglanmoqda. Har bir xonadondagi vaziyatni yaqindan o‘rganish, muammolarni o‘z vaqtida aniqlash hamda ularni hal etish yo‘llarini belgilashga alohida e’tibor qaratilmoqda.

Shuningdek, aniqlangan masalalarni tegishli tashkilotlar bilan hamkorlikda hal etish va murojaatlar ijrosini deputatlik nazorati asosida kuzatib borish ko‘zda tutilgan.

Aholi bilan doimiy muloqotda bo‘lish, xonadonlardagi muammolarni joyida o‘rganish va ularning yechimiga ko‘maklashish deputatlik faoliyatining muhim vazifalaridan biridir.