38-sonli davlat maktabgacha ta’lim tashkilotining kuz-qish mavsumiga tayyorgarligi o‘rganildi

Xalq deputatlari Mirzo Ulug‘bek tumani Kengashi deputati, O‘zLiDeP a’zosi Dilshod Soliyev hududdagi
38-sonli davlat maktabgacha ta’lim tashkilotida kuz-qish mavsumiga tayyorgarlik holati hamda mavjud muammolarni aniqlash maqsadida o‘rganish ishlarini olib borildi.

O‘rganish davomida muassasaning isitish tizimi, elektr ta’minoti, bino va xonalarning holati, eshik va derazalarning sozligi hamda bolalar uchun yaratilgan shart-sharoitlar ko‘zdan kechirildi.

Shuningdek, sovuq kunlarda tarbiyalanuvchilar uchun qulay, xavfsiz va sanitariya-gigiyena talablariga javob beradigan muhitni ta’minlash masalalariga alohida e’tibor qaratildi. Aniqlangan muammoli holatlarni bartaraf etish, mavjud kamchiliklarni o‘z vaqtida hal qilish va muassasaning kuz-qish mavsumiga puxta tayyorgarligini ta’minlash yuzasidan zarur choralarni ko‘rish muhimligi ta’kidlandi.

Asosiy maqsad — bolalar salomatligini muhofaza qilish, ta’lim-tarbiya jarayonining uzluksizligini ta’minlash hamda kuz-qish mavsumini betalafot o‘tkazishdan iborat.