Xalq deputatlari Bag‘dod tumani Kengashining “23-Qorako‘l” saylov okrugi deputati Sh.Xoldarov, Kengash Kotibiyati mudiri G‘.Abdullayev hamda Kengash Kotibiyati bosh mutaxassisi U.Raximjonovlar tomonidan 42-umumiy o‘rta ta’lim maktabi hududida joylashgan oshxona hamda savdo do‘koni faoliyati o‘rganildi.

🔎 O‘rganish davomida oshxonada o‘quvchilarga ovqat tayyorlash va xizmat ko‘rsatish sharoitlari, sanitariya-gigiyena talablariga rioya etilishi, oziq-ovqat mahsulotlarining saqlanishi, oshxona jihozlari va ish jarayonining tashkil etilishi ko‘zdan kechirildi.

🛒 Shuningdek, maktab hududidagi savdo do‘konida o‘quvchilarga sotilayotgan oziq-ovqat va boshqa mahsulotlar turi, ularning saqlanish holati, savdo shoxobchasining tozaligi hamda sanitariya talablariga rioya etilishi masalalariga alohida e’tibor qaratildi.

💬 Mas’ullar va xodimlar bilan suhbat davomida mavjud muammolar, o‘quvchilarga qulay va xavfsiz xizmat ko‘rsatish, oziq-ovqat mahsulotlarining sifati hamda savdo jarayonini yanada tartibli tashkil etish yuzasidan fikrlar almashildi.

📌 O‘rganish yakunida aniqlangan kamchiliklarni bartaraf etish, oshxona va savdo do‘konida sanitariya-gigiyena talablariga qat’iy rioya qilish, o‘quvchilar uchun sifatli, xavfsiz va qulay sharoitlarni ta’minlash yuzasidan tegishli tavsiya va ko‘rsatmalar berildi.