Uchrashuv davomida maktabning faol va tashabbuskor yoshlari bilan ochiq muloqot o‘tkazilib, ularning taklif va tashabbuslari tinglandi. Yoshlarni qiynayotgan masalalar, ta’lim olishlari, bo‘sh vaqtlarini mazmunli tashkil etish, sport va turli to‘garaklarga jalb etish hamda kelgusidagi rejalari yuzasidan fikr almashildi.

Shuningdek, yoshlarni vatanparvarlik ruhida tarbiyalash, ularning bilim va salohiyatini oshirish, iqtidorli yoshlarni qo‘llab-quvvatlash hamda yangi imkoniyatlardan samarali foydalanish masalalariga alohida e’tibor qaratildi.

Uchrashuv yakunida yoshlarning murojaat va takliflari o‘rganilib, ularni hal etish yuzasidan tegishli mas’ullarga vazifalar belgilandi.