#_doimiy_komissiya_faoliyati
Prezident qarori ijrosi yuzasidan hisobot eshitildi

Xalq deputatlari Sariosiyo tuman Kengashining Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiyasi yig‘ilishida muhim masala ko‘rib chiqildi.
Yig‘ilishga doimiy komissiya raisi S.Asadov raislik qildi.
Kun tartibidagi masala — O‘zbekiston Respublikasi Prezidentining 2024-yil 13-dekabrdagi PQ-438-son qarori ijrosini ta’minlash yuzasidan Sariosiyo tumani hokimining birinchi o‘rinbosari G‘.Davlatovning hisoboti eshitildi.

Hisobot davomida mazkur qarorda belgilangan vazifalarning tumandagi ijrosi, amalga oshirilayotgan ishlar, erishilgan natijalar hamda mavjud muammolar haqida batafsil ma’lumot berildi.

Doimiy komissiya a’zolari tomonidan hisobot yuzasidan tegishli savollar berilib, belgilangan vazifalarning o‘z vaqtida va sifatli bajarilishini ta’minlash, mavjud muammolarni bartaraf etish hamda ijro intizomini kuchaytirish yuzasidan fikr va takliflar bildirildi.

Yig‘ilish yakunida qaror ijrosini ta’minlash bo‘yicha mas’ullarga tegishli tavsiya va topshiriqlar berildi.