Ózbekstan Respublikası Oliy Majlisi Nızamshılıq palatası deputatı Shımbay rayonında

⚡️Ózbekstan Respublikası Oliy Majlisi Nızamshılıq palatasınıń Agrar hám suw xojalıǵı máseleleri komitetiniń aǵzası Nadira Rashidova Xalıq deputatları Shımbay rayonlıq Keńesinde boldı.

Úyreniw dawamında Nadira Rashidova Shımbay rayonlıq Keńesiniń jumısı, deputatlardıń aymaqtaǵı xalıqtıń mashqalaların úyreniw, puqaralardıń múrájatları menen islesiw hám orınlarda alıp barılıp atırǵan ámeliy jumıslar menen tanıstı.

Sonday-aq, Keńestiń turaqlı komissiyalarınıń jumısı, sessiyalarda kórip shıǵılıp atırǵan máseleler, deputatlıq qadaǵalaw hám aymaqtı sociallıq-ekonomikalıq rawajlandırıwǵa qaratılǵan baslamalar boyınsha pikir alısıldı.

Ushırasıw dawamında awıl xojalıǵı, suw xojalıǵı, jer hám suw resurslarınan nátiyjeli paydalanıw, xalıqtıń qıytaq jerlerinen únemli paydalanıw hám aymaqtaǵı bar mashqalalardı saplastırıw máselelerine de ayrıqsha itibar qaratıldı.

Úyreniw juwmaǵında deputatlıq jumıstı bunnan bılay da jetilistiriw, xalıqtıń máplerin qorǵaw hám aymaqtıń rawajlanıwına qaratılǵan baslamalardı qollap-quwatlaw boyınsha óz-ara birge islesiwdi dawam ettiriwge kelisip alındı.