#deputatlik_faoliyati_Uchtepa @Kengash_qarori #Open_byudjet

Tashabbusli byudjet - g‘olib loyihalar moliyalashtiriladi

🇺🇿 Uchtepa tumanida “Tashabbusli budjet” jarayonining 2026-yil 2-mavsumida g‘olib deb topilgan loyihalarni amalga oshirish bo‘yicha muhim qadam tashlandi. Xalq deputatlari Uchtepa tumani Kengashining g‘olib loyihalarning manzilli ro‘yxatini tasdiqlash hamda ularni moliyalashtirish to‘g‘risidagi tegishli qarori qabul qilindi.

🕯 Mazkur loyihalar fuqarolarning bevosita tashabbuslari va ovoz berish natijalari asosida shakllangan bo‘lib, ularning amalga oshirilishi mahallalardagi mavjud muammolarni bartaraf etish, hududlar infratuzilmasini yaxshilash va aholi uchun yanada qulay sharoit yaratishga xizmat qiladi.

↗️ Qaror asosida g‘olib loyihalarning manzilli ro‘yxati tasdiqlanib, ularni belgilangan tartibda moliyalashtirish choralari ko‘riladi. Mazkur Kengash qaroriga asosan tumanda g'olib deb topilgan 15 ta loyihaga tumandagi “Fuqarolar tashabbusi jamg‘armasi” mablag‘lari hisobidan jami 19 mlrd. 719 mln. 300 ming so'm mablag'lar ajratilishi belgilandi. Kelgusida loyihalarning o‘z vaqtida va sifatli amalga oshirilishi, ajratilgan mablag‘larning maqsadli sarflanishi deputatlik va jamoatchilik nazoratida bo‘ladi.

📈 “Tashabbusli byudjet” — aholi fikri va tashabbusini amaliy natijaga aylantirishning muhim mexanizmi. Uchtepa tumanida g‘olib loyihalarning ro‘yobga chiqarilishi orqali mahallalar yanada obod, infratuzilma esa aholiga yanada qulay bo‘lishiga xizmat qiladi.