Hududdagi madaniyat muassasalari va muzeylar, kutubxonalar holati o'rganildi

📍Xalq deputatlari O‘rta Chirchiq tuman Kengashi deputati B.Baxovadinov “Arg‘in-Sada” MFY hududida joylashgan 36-umumta’lim maktabi kutubxonasining faoliyatini o‘rgandi.

O‘rganish davomida kutubxonadagi mavjud adabiyotlar, darsliklar va o‘quv qo‘llanmalarining saqlanish holati, ularning o‘quvchilar uchun foydalanishga qulayligi hamda kutubxonadan foydalanish jarayonlari ko‘zdan kechirildi.

Shuningdek, o‘quvchilarning kitobxonlikka bo‘lgan qiziqishini oshirish, ularni badiiy va ilmiy adabiyotlarni muntazam mutolaa qilishga jalb etish, kutubxona fondini zamonaviy va mazmunan boy adabiyotlar bilan to‘ldirish masalalariga e’tibor qaratildi.

Kutubxonaning o‘quvchilar ma’naviy dunyoqarashini kengaytirish, bo‘sh vaqtini mazmunli tashkil etish hamda kitobxonlik madaniyatini yuksaltirishdagi o‘rni alohida ta’kidlandi. Maktab kutubxonasida o‘quvchilar uchun yaratilgan shart-sharoitlar va mavjud imkoniyatlar bilan yaqindan tanishildi.

✅Xalq deputatlari O‘rta Chirchiq tuman Kengashi kotibiyati axborot xizmati!