Xotin-qizlarni qo‘llab-quvvatlash – doimiy komissiya e’tiborida

Xalq deputatlari Jondor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi H.Kareva hamda komissiya a’zolari ishtirokida tumanda xotin-qizlarni qo‘llab-quvvatlash borasida amalga oshirilayotgan ishlar muhokama qilindi.
🌏Muhokama davomida xotin-qizlarning bandligini ta’minlash, ularni tadbirkorlik faoliyatiga jalb etish, o‘z biznesini yo‘lga qo‘yishi uchun zarur sharoit va imkoniyatlar yaratish masalalariga alohida e’tibor qaratildi.
🌏Shuningdek, xotin-qizlarning huquq va qonuniy manfaatlarini himoya qilish, ularning ijtimoiy faolligini oshirish, mavjud muammolarini aniqlash va ularga amaliy yechim topish borasidagi ishlar tahlil qilindi.
🌏Komissiya a’zolari tomonidan xotin-qizlarni har tomonlama qo‘llab-quvvatlash, ularning iqtisodiy mustaqilligini ta’minlash va jamiyatdagi faol ishtirokini yanada oshirish yuzasidan fikr va takliflar bildirildi.
🌏Muhokama yakunida belgilangan vazifalar ijrosini nazoratga olish hamda bu yo‘nalishdagi ishlarni izchil davom ettirishga kelishib olindi.