🏥 Aholiga tibbiy xizmat ko‘rsatish sifati nazoratda
Novqa mahalla fuqarolar yig‘ini hududida joylashgan Novqa oilaviy shifoxonasida aholiga o‘z vaqtida va sifatli tibbiy yordam ko‘rsatilishi holati yuzasidan nazorat-tahlil ishlari olib borildi.
Nazorat-tahlil jarayoni tuman Kengashi deputati X. Saidova tomonidan aholiga tibbiy xizmat ko‘rsatish sifatini oshirishga qaratilgan 24 ta tavsiya asosida amalga oshirildi.
O‘rganish davomida oilaviy shifoxonada aholi murojaatlarini ko‘rib chiqish, tibbiy xizmatlarni o‘z vaqtida tashkil etish, profilaktik tadbirlarni samarali olib borish hamda tibbiy xizmat sifatini yanada yaxshilash masalalariga e’tibor qaratildi.
Shuningdek, aniqlangan holatlar yuzasidan mas’ullarga tegishli tavsiya va ko‘rsatmalar berilib, mavjud kamchiliklarni bartaraf etish hamda aholiga tibbiy xizmat ko‘rsatish sifatini yanada oshirish bo‘yicha vazifalar belgilab olindi.