Maktabning kuz-qish mavsumiga tayyorgarlik holati — deputatlik nazoratida

Xalq deputatlari Termiz tuman Kengashi 19-Qoraxon saylov okrugi deputati G. Baxramova o‘zi saylangan hududdagi maktabda bo‘lib, mahalliy Kengash deputati faoliyatining eng muhim yo‘nalishlari bo‘yicha tavsiyalar asosida o‘rganish olib bordi.

O‘rganish davomida maktabning kuz-qish mavsumiga tayyorgarligi, xususan, isitish tizimlarining texnik holati, ularning mavsum davomida barqaror va xavfsiz ishlashga tayyorligi ko‘zdan kechirildi.

Shuningdek, sinfxonalar va boshqa o‘quv xonalarida zarur haroratni ta’minlash, mavjud isitish vositalaridan samarali foydalanish hamda mavsum davomida yuzaga kelishi mumkin bo‘lgan muammolarning oldini olish masalalariga e’tibor qaratildi.

Aniqlangan holatlar yuzasidan mas’ullarga tegishli tavsiyalar berilib, kuz-qish mavsumini betalofat va qulay sharoitda o‘tkazish bo‘yicha zarur choralarni ko‘rish yuzasidan takliflar bildirildi.