Jizzax viloyati Ichki ishlar boshqarmasi boshlig‘i, 3-sektor rahbari G‘ayrat Qodirov Do‘stlik tumani “Saritepa” mahallasida bo‘ldi. Sayyor qabulda viloyat deputati Xolmumin Abdullayevich va tuman deputati Normuradov Almamatlar ishtirok etdilar.
General mayor G‘ayrat Qodirov dastlab mahalla fuqarolar yig‘ini binosi va boshqa inshootlarda olib borilayotgan ta’mirlash ishlari bilan tanishdi.
Mahalladagi 3-sonli umumta’lim maktabida esa aholi bilan uchrashib sayyor qabul o‘tkazdi.
Dastlab mahallada ish bilan band bo‘lmagan xotin-qizlarga subsidiya asosida tikuv mashinkalari tarqatildi. Shuningdek, mahallaning faol yoshlari ham alohida taqdirlandi.
Sayyor qabulda aholi toza ichimlik suvi ta’minoti, ichki yo‘llarni ta’mirlash, ish bilan ta’minlash va boshqa masalalar bo‘yicha murojaat qilishdi.
Murojaatlarning aksariyati shu yerning o‘zida ijobiy hal etildi.