Tashrif davomida fuqarolarning kundalik hayoti, yashash sharoitlari, oilalarning ijtimoiy holati hamda ularni qiynab kelayotgan muammolar atroflicha o‘rganildi. Xonadon egalari bilan ochiq va samimiy muloqot o‘tkazilib, ularning murojaatlari, taklif va istaklari tinglandi.
Aholi bilan suhbatlar davomida bandlik, ijtimoiy himoya, infratuzilma, kommunal xizmatlar, obodonlashtirish va boshqa masalalar yuzasidan bildirilgan murojaatlarga alohida e’tibor qaratildi.
Aniqlangan muammolarni tegishli tashkilot va mutasaddi idoralar bilan hamkorlikda hal etish, fuqarolarning murojaatlarini o‘z vaqtida ko‘rib chiqish hamda ijrosi yuzasidan deputatlik nazoratini o‘rnatish bo‘yicha tegishli vazifalar belgilab olindi.
“Uyma-uy” loyihasining asosiy maqsadi — aholi bilan bevosita muloqot qilish, xonadonma-xonadon yurib, fuqarolarni qiynayotgan masalalarni joyida aniqlash va ularning yechimini ta’minlashdan iborat.
Aholi bilan bevosita muloqot — muammolarni o‘rganish va ularga amaliy yechim topishning eng samarali yo‘llaridan biridir.