#162_ta_qonun
📌 DAVLAT-XUSUSIY SHERIKLIKNING HUQUQIY ASOSLARI

O‘zbekiston Respublikasining 2019-yil 10-maydagi O‘RQ-537-son “Davlat-xususiy sheriklik to‘g‘risida”gi Qonuni davlat va xususiy sektor hamkorligining huquqiy asoslarini belgilaydi.

🤝 DXSh nima?
Davlat-xususiy sheriklik — davlat va xususiy sherikning muayyan muddatga o‘z resurslarini birlashtirib, loyihalarni amalga oshirishga qaratilgan hamkorligidir.

🔹 Asosiy prinsiplar:
• qonun oldida tenglik;
• shaffoflik va xolislik;
• raqobat;
• kamsitmaslik;
• korrupsiyaga yo‘l qo‘ymaslik.

💼 Xususiy sherikni tanlash:
Odatda tender yoki to‘g‘ridan-to‘g‘ri muzokaralar orqali amalga oshiriladi.
• 1 mln AQSH dollarigacha — bir bosqichli tender;
• 1 mln dollardan ortiq — ikki bosqichli tender.

💰 Davlat ko‘magi:
DXSh loyihalariga subsidiyalar, budjet mablag‘lari, kafolat va kompensatsiyalar, soliq imtiyozlari, kredit va boshqa qo‘llab-quvvatlash choralari berilishi mumkin.

🏗 Yer va muddat:
Loyiha uchun zarur yer uchastkalari qonunchilikka muvofiq ajratiladi. DXSh bitimi 3 yildan kam va 49 yildan ortiq bo‘lmagan muddatga tuziladi.

📊 Shaffoflik:
Loyiha, uning qiymati, hududi, muddati, taraflari va davlat ko‘magi haqidagi asosiy ma’lumotlar ochiq e’lon qilinadi hamda loyiha ijrosi monitoring qilinadi.

📌 Xulosa:
DXSh davlat va xususiy sektor imkoniyatlarini birlashtirib, investitsiyalarni jalb etish, infratuzilmani rivojlantirish va xizmatlar sifatini oshirishga xizmat qiladi.

📚 Huquqiy asos: O‘zbekiston Respublikasining O‘RQ-537-son “Davlat-xususiy sheriklik to‘g‘risida”gi Qonuni.

Xalq deputatlari Sherobod tumani Kengashi 20-Mehrabod saylov okrugi deputati Qodirov Jamshid Hazratqulovich

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube