Termiz shahridagi 13-sonli umumta'lim makatabda xalq deputatlari Termiz shahar Kengashi deputati, shahar hokimi Sh.Lolayev rahbarligida navbatdagi sayyor qabul o‘tkazildi. Aholi muammolarini bevosita joyida o‘rganish va ularga tezkor yechim topish maqsadida tashkil etilgan muloqotda shahar prokurori, shahar IIB boshlig‘i, hokim o‘rinbosarlari hamda tegishli mutasaddi tashkilot va korxonalar rahbarlari ishtirok etishdi.

Sayyor qabul davomida fuqarolar tomonidan bandlik va o‘zini o‘zi band qilish, doimiy ro‘yxatga qo‘yish, tadbirkorlikni yo‘lga qo‘yish uchun imtiyozli kreditlar ajratish hamda kadastr va mulk huquqiga oid masalalar bo‘yicha murojaatlar kelib tushdi.

Muloqot davomida har bir murojaat sinchiklab o‘rganilib, mas’ul tashkilot rahbarlariga masalalarni qisqa muddatlarda hal etish bo‘yicha aniq topshiriq va ko‘rsatmalar berildi hamda ularning ijrosi alohida nazoratga olindi.

Xususan, fuqarolardan birining maktabga tutash hudud bilan bog‘liq murojaati shahar hokimi tomonidan bevosita joyiga chiqqan holda atroflicha o‘rganildi va ushbu masala shu yerning o‘zida ijobiy yechimini topdi.