Bo‘rloq mahallasida infratuzilmani rivojlantirish ishlari o‘rganildi

Xalq deputatlari Qo‘shko‘pir tumani Kengashi deputati N. Baymuratova hamda Kengash kotibiyati bosh mutaxassisi S. Matyaqubova Bo‘rloq mahallasida bo‘lib, hudud infratuzilmasini yaxshilash borasida amalga oshirilayotgan ishlarni o‘rgandilar.
O‘rganish davomida O‘zbekiston Respublikasi Prezidentining PQ-49-son qarori asosida Bo‘rloq mahallasi infratuzilmasini rivojlantirish va aholi uchun qulay shart-sharoitlar yaratish maqsadida ajratilgan 5 milliard so‘m mablag‘ hisobidan amalga oshirilayotgan ishlarning borishi ko‘zdan kechirildi.
Jumladan, “Yangi O‘zbekiston” qiyofasi loyihasi doirasida 2026-yil dasturiga muvofiq Obod ko‘chasida 1,5 km piyodalar yo‘lakchasi, Nurli hayot va Amirqum ko‘chalarida jami 3,5 km asfalt qoplamasi, shuningdek, asosiy yo‘l bo‘ylab 96 ta tungi yoritish chiroqlari o‘rnatilgani qayd etildi.
Shuningdek, Obod ko‘chasining 80 metr qismida yopiq drenaj tizimini barpo etish hamda 1,5 km uzunlikdagi ariqlarni betonlashtirish ishlari davom etayotgani o‘rganildi.