Xalq deputatlari Angor tumani Kengashi 6-Qorasuv saylov okrugi deputati Raximqulov Jamshid Yuldoshevich tomonidan fuqarolar murojaatlari bilan ishlash, ularning muammolarini o‘rganish va qonuniy yechim topishga ko‘maklashish maqsadida navbatdagi uchrashuv o‘tkazildi.

Uchrashuv davomida fuqaro Yusupova Madinaning murojaati tinglandi. Fuqaro uy-joyiga oid kadastr masalasida murojaat qilib, ushbu yo‘nalishda amaliy yordam ko‘rsatishni so‘radi.

Deputat tomonidan murojaat mazmuni atroflicha o‘rganilib, masalani amaldagi qonunchilik talablari asosida hal etish yuzasidan tegishli tartibda choralar ko‘rish va murojaatni nazoratga olish belgilandi.

Fuqarolarning murojaatlarini o‘z vaqtida ko‘rib chiqish, ularning qonuniy huquq va manfaatlarini ta’minlash hamda muammolariga amaliy yechim topish deputatlik faoliyatining ustuvor yo‘nalishlaridan biridir.