🔹 2-sentyabr — Kengash kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich “Yangi makon” OFY 3-Mehrem saylov okrugida yangi qurilgan maktab va maktabgacha ta’lim tashkilotining bugungi kundagi holatini o‘rgandi.

Shuningdek, deputat mazkur hududdagi Yoshlar yetakchisi faoliyatini o‘rgandi. O‘zbekiston Xalq demokratik partiyasidan saylangan deputat Artikov Davron Omarbayevich tomonidan yuborilgan deputat so‘rovi natijalari joyiga chiqqan holda o‘rganildi.

🔹 3-sentyabr — O‘zbekiston Xalq demokratik partiyasidan saylangan deputat Artikov Davron Omarbayevich o‘zi saylangan “Naymanko‘l” OFY 1-Nayman saylov okrugida aholiga o‘z vaqtida va sifatli tibbiy yordam ko‘rsatilishi holatini o‘rgandi.

Shuningdek, O‘zbekiston Xalq demokratik partiyasidan saylangan deputat Taganberdiyev Galpak Arazdurdiyevich o‘zi saylangan “Naymanko‘l” OFY 2-Xanjap saylov okrugi hududida ijtimoiy xodim faoliyatini o‘rgandi.

🔹 4-sentyabr — Xalq deputatlari Taxiatosh tumani Kengashi raisi, O‘zbekiston Liberal-demokratik partiyasidan saylangan deputat Xidirbayev Rashid Xidirbayevich maishiy chiqindilarni o‘z vaqtida olib chiqish holatini joyiga chiqqan holda o‘rgandi.

Shuningdek, Kengash kotibiyati bosh mutaxassisi A.Aymbetov tumandagi investitsiyalarning bugungi kundagi holatini o‘rgandi.

🔹 5-sentyabr — O‘zbekiston Ekologik partiyasidan saylangan deputat Aralbaeva Inkar Karlibayevna “Jayxun” MFY 15-Keramzit saylov okrugida ijtimoiy xodim tomonidan aholining ijtimoiy ehtiyojmand toifalariga ko‘rsatilayotgan xizmatlar, kam ta’minlangan oilalarga ijtimoiy nafaqalar va moddiy yordam tayinlash hamda to‘lash holatini o‘rgandi.

Shuningdek, O‘zbekiston Xalq demokratik partiyasidan saylangan deputat Gayliyev Shamirat Kurbanmiradovich hududdagi kutubxonaning holatini o‘rgandi.

Kengash deputatlari tomonidan hududlarda mavjud masalalarni joyiga chiqib o‘rganish, aholi uchun muhim bo‘lgan ijtimoiy yo‘nalishlardagi ishlarning holatini baholash hamda belgilangan vazifalar ijrosini nazorat qilish ishlari davom ettirilmoqda.