Yetim va ota-ona qaramog‘idan mahrum bo‘lgan bolalarning huquq va manfaatlarini ta’minlash — jamiyatning muhim vazifalaridan biridir.

Shu maqsadda Xalq deputatlari Tomdi tumani Kengashi deputati Aldanov Yelibay Tokbergenovich tomonidan Tomdi tumanidagi “Inson” ijtimoiy xizmatlar markazi direktoriga deputat so‘rovi yuborildi.

📌 Deputat so‘rovida tumandagi ushbu toifadagi bolalarning:
🔹 ijtimoiy holati va ularga ko‘rsatilayotgan xizmatlar;
🔹 uy-joy bilan ta’minlanganlik holati;
🔹 ta’lim olishi va kasb-hunar egallashi;
🔹 bandligini ta’minlash;
🔹 moddiy va ijtimoiy yordamlar bilan qamrab olinishi;
🔹 mustaqil hayotga tayyorlanishi bo‘yicha amalga oshirilayotgan ishlar yuzasidan aniq ma’lumotlar so‘raldi.

🎯 Asosiy maqsad — har bir bolaning huquqi himoyalangan, kelajagi kafolatlangan va jamiyatda munosib o‘rin egallashi uchun zarur sharoit yaratilishini ta’minlash.

Deputat so‘rovi O‘zbekiston Respublikasi Vazirlar Mahkamasining 2021-yil 25-oktabrdagi 656-son qarori bilan belgilangan vazifalar ijrosini o‘rganish doirasida yuborildi.

Bola taqdiri — befarq qoldirib bo‘lmaydigan masala.
Ularning buguni va kelajagi — barchamizning e’tiborimizda!