Xalq deputatlari Tomdi tumani Kengashi deputati, Kengash raisi J.Turmaxanov Mahalliy Kengash deputati faoliyatining eng muhim yo‘nalishlari bo‘yicha tavsiyalar asosida 7-sonli umumta’lim maktabida bo‘lib, ta’lim muassasasida olib borilayotgan ishlar bilan yaqindan tanishdi.

O‘rganish davomida maktabdagi ta’lim-tarbiya jarayoni, o‘quvchilar uchun yaratilgan shart-sharoitlar, mavjud moddiy-texnik baza hamda maktab hududining obodonlashtirilishi va ko‘kalamzorlashtirilishi holatiga e’tibor qaratildi.

Shuningdek, o‘quvchilarning sifatli ta’lim olishi, bo‘sh vaqtlarini mazmunli tashkil etishi, ularning bilim va qobiliyatlarini rivojlantirish uchun yaratilgan imkoniyatlar ham ko‘zdan kechirildi.

O‘rganish jarayonida aniqlangan masalalar yuzasidan mas’ullar bilan fikr almashilib, mavjud kamchiliklarni bartaraf etish, ta’lim muassasasida yaratilgan sharoitlarni yanada yaxshilash hamda belgilangan vazifalarni sifatli amalga oshirish bo‘yicha tegishli tavsiyalar berildi.

📚 Sifatli ta’lim — Yangi O‘zbekiston taraqqiyotining mustahkam poydevoridir!